අලු වලාකුළු අතරින්
සිත්තමක් වූ රිදී රේඛාවේ
ගෑවි ගෑවි දේවදුන්නක් අහලින්
තටු සිඳුනු මුත් පියා සලයි
කළු පාට සුදු පරවියෝ
ලේ පාට සුදු පරෙවියෝ
නූලෙන් ගිලිහුණ පාට සරුංගල්
ඔහේ පාවි ඉපිළී
කිමිදෙනවා හිස් අහසේ
සන්තකයට තටු ශේෂ නොවුනු මුත්
උන් ඉගිලෙනවා අහසේ
ඉමක් කොණක් ගැන වගක්වත් නැති අහසේ
කුණාටු හුළගින් කඩා හැලුණු තටු
පිරිමදිමින් මද පවන හමනවා
මුඩු බිම් ඉද්දර තැන තැන හොරාට
ඇකිලුණු මල් පොඩි දෑස් අරිනවා
සුසුම් ඇබින්දක කඳුලක් රහසේම තවරා
අලුත් ලොවට අපි හැල්මේ දුවනවා
